ကျွန်တော်တို့ PPP ကို lab တွေလုပ်နေတဲ့အချိန်မှာ တစ်ဖက်ကလည်း PPP နဲ့ပါတ်သက်ပြီး theoretical လေးကိုလည်းရှင်းပြပေးပါ့မယ်။ PPP ဆိုတာ open standard protocol တစ်ခုဖြစ်ပြီး သူ့ကို serial link တွေကိုအသုံးပြုပြီး point-to-point ချိတ်ဆက်တဲ့ network တွေမှာအသုံးပြုတာဖြစ်ပါတယ်။ သူ့ရဲ့ရည်ရွယ်ချက်ကတော့ layer 3 packets တွေကို point-to-point ချိတ်ဆက်ထားတဲ့ data link layer တွေအပေါ်မှာ ပို့ဆောင်ပေးဖို့အတွက်ဖြစ်ပါတယ်။ သူ့အောက်မှာ protocol နှစ်ခု ထပ်မံပါဝင်ပါတယ်။ အဲဒါတွေကတော့
၁) Link control protocol (LCP) နဲ့
၂) Network control protocol (NCP) တို့ပဲဖြစ်ပါတယ်။
PPP ဟာ LCP ကိုအသုံးပြုပြီး layer 2 အတွက်လိုအပ်တဲ့ service တွေကိုအရင်ပြုလုပ်ပေးပါတယ်။ ပြီးပြီဆိုရင်တော့ NCP ကိုအသုံးပြုပြီး layer 3 အပေါ်မှာအသုံးပြုမယ့် IP နဲ့အခြား protocol တွေအတွက် PPP link အပေါ်မှာ ကောင်းမွန်စွာလုပ်ဆောင်နိုင်ဖို့အတွက် ဆောင်ရွက်ပါတယ်။ သို့သော် မှတ်ထားရမှာက PPP ဆိုတာ Data link layer မှာအလုပ်လုပ်တဲ့ protocol ဖြစ်တယ်ဆိုတာပါပဲ။
Establish a PPP session
PPP link တစ်ခုအောင်မြင်စွာတည်ဆောက်ပြီစီးဖို့အတွက် လုပ်ငန်းစဉ် ၃ မျိုးကိုလုပ်ဆောင်ရပါတယ်။
1) ပထမဦးဆုံး PPP ကိုအသုံးပြုထားတဲ့ device နှစ်ခုဟာ LCP packets တွေကိုအပြန်အလှန်ပို့ကြပြီး link ကိုစစ်ဆေးခြင်း၊ connection တည်ဆောက်ခြင်း တို့ကိုပြုလုပ်ပါတယ်။
2) နောက်တစ်ဆင့်အနေနဲ့ ကျွန်တော်တို့ဟာ PPP ကို configure လုပ်တဲ့အခါမှာ PAP သို့ CHAP တစ်ခုခုကိုအသုံးပြုပြီး authentication ကိုပြုလုပ်ထားခဲ့မယ်ဆိုလို့ရှိရင် အဲဒီ authentication process တွေကိုပြုလုပ်ပါတယ်။ ဒါကလည်း အမြဲလုပ်ဆောင်တာမဟုတ်ပဲ authentication လုပ်ထားခဲ့မှသာလျှင်ဆောင်ရွက်မှာဖြစ်ပါတယ်။
3) နောက်ဆုံးမှာတော့ NCP packet တွေကိုပို့ကြပြီး link ပေါ်မှာ ဘယ် layer 3 protocol တွေကို အသုံးပြုဆောင်ရွက်ပြီးတော့ encapsulation လုပ်မယ်ဆိုတာတွေကိုဆောင်ရွက်ပါတယ်။
ဒီနေရာမှာ မှတ်သားရမှာလေးတွေရှိပါတယ်။ ပုံမှန်အားဖြင့် cisco router နှစ်လုံး serial link ကိုအသုံးပြုပြီး ချိတ်ဆက်ကြတဲ့အခါမှာ default encapsulation protocol (HDLC) ကိုအသုံးပြုပါတယ်။ သူကတော့ cisco proprietary protocol ဖြစ်ပါတယ်။ ဒါ့ကြောင့် အခြား non-cisco router များနဲ့ချိတ်ဆက်တဲ့အခါမှာတော့ open standard protocol တစ်ခုဖြစ်တဲ့ PPP ကိုအသုံးပြုရမှာဖြစ်ပါတယ်။
PPP authentication Methods
PPP မှာ built-in security mechanisms တွေဖြစ်တဲ့ Password Authentication Protocol (PAP) နဲ့ Chellenge Handshake Authentication Protocol (CHAP) တို့ပါဝင်လာပါတယ်။
PAP ရဲ့ authentication ကတော့ PPP client router ကနေ server ဆီကို username နဲ့ password ပါတဲ့ message ကိုပို့လိုက်တယ်။ ဒါကို PPP server router က စစ်ဆေးပြီး မှန်ရင် accept လုပ်ပြီး၊ မှားခဲ့ရင်တော့ deny လုပ်ပြီး connection ကိုဖြုတ်ချပါတယ်။ ဒါကို two-way handshake authentication လို့ခေါ်ဆိုပြီး PAP ရဲ့အားနည်းချက်ကတော့ username နဲ့ password တွေကို clear text နဲ့ပို့တာပဲဖြစ်ပါတယ်။ ဒါဟာ ကြားမှာ attacker တစ်ယောက်ရဲ့ကြားဖြတ်ချိတ်ဆက်ခြင်းကိုခံရနိုင်တဲ့အနေ အထားတစ်ခုဖြစ်ပါတယ်။
CHAP authentication methods
CHAP ကတော့ three-way handshake authentication process ကိုအသုံးပြုပြီး PAP ထက်ပိုပြီးရှုပ်ထွေးတဲ့ encrypted text ကိုအသုံးပြုပါတယ်။
1) Server က ပထမဆုံးအနေနဲ့ encrypt လုပ်ထားတဲ့ message တစ်ခုကို client ဆီကိုပို့ပေးတယ်။
2) PPP client ဟာ server ဆီကရလာတဲ့ message သို့ challenge ကို သူ့မှာရှိတဲ့ password ကိုအသုံးပြုပြီး decrypt လုပ်ပါတယ်။ နောက်ပြီး ရလာတဲ့ result ကို server ဆီကိုပြန်ပို့ပေးပါတယ်။
3) နောက်ဆုံးမှာတော့ server ဟာ သူ့မှာရှိတဲ့ result နဲ့ client ဆီကရလာတဲ့ result ကိုတိုက်ကြည့်လို့မှန်တယ်ဆိုရင် connection ကိုတည်ဆောက်ပေးပြီး၊ မှားတယ်ဆိုရင်တော့ connection ကိုဖြုတ်ချလိုက်ပါတယ်။
PAP နဲ့ CHAP ကြား အဓိကကွာခြားချက်က PAP ဟာ link ပေါ်ကနေပြီး plain-text username နဲ့ password တွေကိုပို့ပြီး authentication လုပ်တယ်။ ဒါပေမဲ့ CHAP ကတော့ random message တစ်ခုကိုသာပို့လိုက်ပြီး သက်ဆိုင်ရာ clinet ဆီမှာသာ username နဲ့ password ကိုအသုံးပြုပြီး decrypt လုပ်တာပဲဖြစ်လို့ username နဲ့ password ကို link ပေါ်မှာမပို့ဆောင်ပါဘူး။
အခြားကွဲပြားတာတစ်ခုကတော့ PAP ဟာ link ကိုစပြီးတည်ဆောက်တဲ့အချိန်တစ်ခုမှာသာ authentication ပြုလုပ်တာဖြစ်ပါတယ်။ CHAP ကတော့ link ကိုတည်ဆောက်တဲ့အချိန်မှာအပြင် တည်ဆောက်ပြီးတဲ့အချိန်တွေမှာလည်း အချိန်အပိုင်းအခြားအလိုက် random text တွေကိုပို့နေတာကြောင့် attacker တစ်ယောက်ဟာ copy ကူးယူပြီး ချိတ်ဆက်လို့မရအောင် ( playback attack ) ကိုကာကွယ်ပြီးသားဖြစ်စေပါတယ်။
No comments:
Post a Comment