HSRP အကြောင်းကိုပြောကြမယ်ဗျာ။ ဘာလဲ HSRP ဆိုတာ။ HSRP ဆိုတာကတော့ route redundancy protocol တစ်ခုပဲဗျ။ redundancy ဆိုတာ ဘယ်နယ်ပယ်မှာပဲဖြစ်ဖြစ်အရေးကြီးတယ်လေ။ ရွာတစ်ရွာမှာ မီးရအောင် မီးစက်တစ်လုံးမောင်းထားတယ်။ အဲဒီမီးစက်မပျက်သေးသရွေ့တော့ အဲဒီရွာမှာ မီးရနေမှာပေါ့။ ဒါပေမဲ့ အဲဒီမီးစက်ပျက်သွားခဲ့ရင်တော့ မီးစက်ကိုပြန်ပြင်ပြီးတဲ့အထိ တစ်ရွာလုံး မီးပျက်နေမှာပေါ့ဗျာ။ ဒီတော့ လျှပ်စစ်မီးသုံးပြီးအလုပ်လုပ်ရတဲ့ အလုပ်တွေအားလုံး ရပ်ဆိုင်းထားရမှာပေါ့။ ဒီတော့ အရံမီးစက်တစ်လုံးဝယ်ထားလိုက်တယ်။ ပထမ သုံးနေတဲ့ မီးစက်မပျက်သရွေ့တော့ သူ့ကို ဒီအတိုင်းပဲထားမယ်။ အကယ်လို့များ ပထမသုံးနေတဲ့မီးစက်ကို ပြုပြင်ဖို့လိုအပ်လာပြီဆိုရင်တော့ သူ့ကို မောင်းမယ်ပေါ့။ ဒီတော့ ရွာကလည်း မီးမပျက်တော့ဘူး၊ လုပ်နေကျအလုပ်တွေကိုပုံမှန်ဆက်လုပ်လို့ရနေမယ်။ ဒါဟာ redundancy ပါပဲ။ ဒီတော့ ကျွန်တော်တို့ network လောကမှာလည်း redundancy ဆိုတာကိုထည့်သွင်းစဉ်းစားကြပါတယ်။ ဒါမှလည်း အရေးကြီးတဲ့ network တွေဟာ ပုံမှန်အတိုင်း အရှိန်မပျက် ဆက်ပြီးအလုပ်လုပ်လို့ရနေမှာပါ။ ဒီတော့ အောက်က topology ကိုကြည့်ပါ။
ကျွန်တော်တို့မှာ 192.168.1.0/24 ဆိုတဲ့ network တစ်ခုရှိမယ်။ ပြီးတော့ ISP ကို Router 1 ကနေဖြတ်ပြီးတော့ internet ချိတ်ဆက်ထားတယ်ပေါ့။ ဒီတော့ ကျွန်တော်တို့အနေနဲ့ စဉ်းစားရမှာတစ်ခုရှိပါတယ်။ ကျွန်တော်တို့ရဲ့ network သည် အချိန်နဲ့ တပြေးညီဆောင်ရွက်နေရတဲ့ time sensitive network လား၊ ဒါမှမဟုတ် network ကို အချိန်အတိုင်းအတာတစ်ခုလောက်ပဲသုံးတာလားပေါ့။ ဥပမာ banking network လိုမျိုးတွေဆိုရင် network ပြတ်တောက်မှုဟာ ကြီးမားတဲ့ ဆုံးရှုံးမှုတွေဆီကို ဦးတည်နိုင်ပါတယ်။ ဒါမှမဟုတ်ပဲ email ပို့တာလောက် download ဆွဲတာလောက်ပဲ network ကိုသုံးတာဆိုရင်တော့ HSRP ကိုသုံးဖို့မလိုအပ်ဘူးပေ့ါဗျာ။ ဒီတော့ အထက်က network ကိုပဲကြည့်။ အကယ်လို့များ R1 ကနေ ISP ကိုချိတ်ဆက်ထားတဲ့ network သာ down သွားခဲ့ရင် ကျွန်တော်တို့ network သည် internet ချိတ်ဆက်မှုပြတ်တောက်သွားပြီဖြစ်ပါတယ်။ ဒါဟာ time sensitive network တွေအတွက်တော့ ကောင်းမွန်တဲ့ network တည်ဆောက်ပုံမဟုတ်ပါဘူး။ ဒီတော့ ကျွန်တော်တို့က ဒီလိုမျိုး မဖြစ်အောင် ဘယ်လိုလုပ်မလဲဆိုတော့ ISP ဆီကို network နှစ်ခုသုံးပြီးချိတ်ဆက်ထားမယ်။ အောက်က ပုံအတိုင်းပေါ့။ ပြီးတော့ HSRP ကိုသာသုံးထားမယ်ဆိုရင် တော့ network တစ်ခု down ပေးမယ့်လည်း နောက်တစ်ခုနဲ့ ISP ကိုအလိုလျှောက်ချိတ်ဆက်ပေးမှာဖြစ်လို့ network ပြတ်တောက်တာမျိုးမဖြစ်တော့ဘူးပေါ့။
ပုံမှာတွေ့ရတဲ့အတိုင်း ကျွန်တော်တို့ network ကိုချိတ်ဆက်ထားလိုက်မယ်ဆိုရင် အကယ်လို့များ ISP ကိုသွားတဲ့ N 1 network သာ down သွားခဲ့မယ်ဆိုရင် N 2 ဘက်ကနေ ISP ကိုချိတ်ဆက်ပေးထားမှာဖြစ်ပြီး N 2 ဘက်က network down သွားခဲ့ရင်လည်း N 1 ဘက်ကနေ ISP ကိုချိတ်ဆက်ပေးသွားမှာဖြစ်ပါတယ်။ အိုခေ ဒီတော့ HSRP ကို LAB လုပ်ကြတာပေါ့။
HSRP ကို configure လုပ်ရမှာကတော့ ISP ကိုချိတ်ဆက်ထားတဲ့ R1 နဲ့ R2 မှာပေါ့။ R1 ဘက်က connection ပြတ်တောက်သွားရင် R2 ဘက်ကသွားမယ်။ R2 ဘက်က connection ပြတ်တောက်သွားရင် R1 ဘက်ကသွားမယ်။ နှစ်လိုင်းစလုံးကောင်းနေသေးရင်တော့ R1 ဘက်ကပဲသွားခိုင်းမယ်။ R1 ကို primary အနေနဲ့ထားမယ်ပေါ့။ ဒါကို HSRP terminology မှာ Active လို့ခေါ်ပါတယ်။ ကျန် R2 ကိုတော့ standby ပေ့ါ။ အိုခေ။
ဒီတော့ configuration ကို စလုပ်ကြည့်ရအောင်။
Active အနေနဲ့ထားမယ့် R1 မှာ
()# interface fa0/0
()# standby 1 ip 192.168.1.254 ( ဒါကတော့ virtual IP ပါ။ PC တွေမှာ default gateway ip ထည့်ရင် ဒီကောင့်ကိုထည့်ပေးထားရမှာ။)
()# standby 1 priority 105 ( default က 100 ဖြစ်တယ်။ priority မြင့်တဲ့ ကောင်က active router ဖြစ်မယ်ပေါ့၊ )
()# standby 1 preempt
()# standby 1 track fa0/1 ( ဒါကတော့ outgoing interface ရဲ့အခြေအနေကို စောင့်ကြည့်တာပါ။)
Standby အနေနဲ့ ထားမယ့် R2 မှာကတော့
()# interface fa0/1
()# standby 1 ip 192.168.1.254 ( R1 နဲ့ R2 အတူတူပဲ )
()# standby 1 preempt
ဒီလိုဆိုရင် HSRP configuration ပြီးဆုံးပြီဖြစ်ပါတယ်။ ကျွန်တော် lab file တင်ပေးထားပါတယ်။ ဘယ်လိုစမ်းရမလဲဆိုတော့ router 1 ရဲ့ interface fa0/1 ကို shutdown ချလိုက်။ ပြီးရင် PC0 ကနေ loopback IP 10.0.0.1 ကို ping ကြည့် ရနေရမယ်။ နောက်ပြီး Router 2 ရဲ့ interface fa0/0 ကို shutdown ချကြည့် ပြီးရင် PC0 ကနေ 10.0.0.1 ကို ping ကြည့်ရနေရမယ်။ အိုခေး။
lab file ကို ဒီမှာ ယူပါ၊
No comments:
Post a Comment